Logo Sektion Kufstein

Klettertage Hochimst "Gruppe B.I.W.A.K. (Klettertage Hochimst "Gruppe B.I.W.A.K.")

Mitglied werden
zur Anmeldung

Klettertage Hochimst "Gruppe B.I.W.A.K.

BIWAK

4 Tåg auf da Muttekopf-Hüttn

Füa de Tourenberichte håmma etz scho ålle Årtn vo Texte ausprowiat: Lürik, Prosa,… Und zua Eahåitung vo unsan Dialekt (aa åis Schriftspråch) is dea etzat dru. :-)
Nåch ana åbenteualichn Reise mit Bus und Båhn (dreimåi umsteing) samma endlich bei da Muttekopfhüttn ukemma. Wei's no so friah wår und so schee Weeda, håmma uns denkt, mia gehen no a bissal klettan. Gsågg, tu – scho stemma voa da Wånd. De easchtn zwoa Routn, de wås ma duachstieng sand, wårn da „Prinz“ und de „Black Beauty“ - nett füan Einstieg…
Danåch zua Hüttn und: Essn, chilln, pennen.
Naxta Tåg. Dees wår unsa Klettatåg. Üwas Gugglersättle samma ummi zu unsra Klettawånd und då håmma sogår a Tastatur entdeckt und da Büüdschirm håt echt an scheen Hintagrund kåpp (→ Büttl). Mia håm uns dånn sportlich aus'tobt und san sogår zwoa Mini-Mehrseillängentourn gånga (mit söwa åbseiln). Nå åwa håm si de Himmlsschleusn g'öffnet und mia san zruggi zua Hüttn. Und obwoi ma an gånzn Tåg lång klettat san, håmma auf Nåcht no gnuag Kråft kåpp, bis zua spaadn Stund min Hüttnpersonal z'Kåschtln. Da Christina håmma Wattn und Schnöön gleant und an Adrian 500an (→ aus Irlånd). Beim Schnöön håmmas hibråcht, dass ma bis zu sechs Scheanas-Rundn hintaranånd ugsågg håmm und de Stiich im Endeffekt 64-fåch zööt håm. In da Nåcht håts nå blitzt, donnat, k'håglt (→ Büttl) und greng und in da Friah wår sogår a Båch in da Hüttn (→ Büttl)…
Wei de Wänd ålle nåss wårn, håmma leida nit klettan geh kenna und desweng håmma schnöö umdisponiat. Nåch an ausgiebign Frühstück samma zeascht im Newi zum Scharnitza Såttl und dånn woit ma no weida zum Hantnjoch, åwa de Moosbean am Wegesrånd håm uns auf'k'håitn und so håmma no a påår brockt – füa ungefäa zwoa Moosbeanockn… Beim Zruggiweg håmma no an kloan Gipfi eaklomma und a Stund lång a Sonnenbåd genossn.
Etzat sitzma då und schreim dees… Es steht in de Regnwoikn, ob ma moang Wåndan, Klettan oda Kåschtln. Hoam miassma sowieso iagendwånn amåi…
Åwa scho etz wissma as Resümee: Es wårn gånz scheene via Tåg und mia wean wieda måi sowås måchn. :-)

P.S.: As Highlight („Heileit“) moang wead sicha de Tåiåbfåhrt min Alpine-Coaster wean.

Adrian, Christina, Ralph, Silke

Bildrechte: Silke Astner



 
 
 

Anfragen zum Internetauftritt und zur Wartung